返回

有啲 apps 會即 delete…..但有一個我會 keep 一世

2022年05月24日

相信大家一定試過有啲 apps 一 download 落嚟，唔夠 10 秒就即刻刪除。可能 10 秒都比多佢，尤其係遇到啲 apps，又 hang 機，又唔知點用嘅時候，撳兩撳就已經忍無可忍，要即刻刪除。有時返工悶悶地會 download 啲 game 玩吓，點知就中晒伏，完全浪費咗返工嘅黃金時間，未玩到都已經「謝晒皮」。

你哋又有冇試過一隻 apps，你 download 完剷咗，會再 download 返? 焗住用就有，係咪？政府嘅「安心出行」? Payme? Payme 都焗住用? 係！想當年 payme 一推出，個個朋友都用嚟夾錢食飯，大家都唔想收散子嘅時候，被迫 download 嚟比食飯錢。大家有冇發現 payme 就算唔洗派錢，冇乜功能，都依然喺香港佔最大嘅用戶市場。

所以當一個企業要投資去搞一隻 apps，就要請一大堆 ui/ux designer 去做好多 research，投放好多資源去做好一隻 apps，而隻 apps 跑唔跑到出嚟，就好睇果黃金 10 秒鐘嘅「用戶體驗」。

睇到嚟呢度，大家都知道 user experience 嘅重要性呢!? 所以一隻 apps 有一個好嘅「用戶體驗」係會令大家 stick 落去。Sticky 嘅代表就係 Facebook、YouTube…..多不勝數，而有一個 apps 就算剷咗，都永存大家心目中嘅，果個就一定係好 apps。